ఇండియన్ హైకూ క్లబ్ ఆధ్వర్యంలో 22 జూలై 2012 న అనకాపల్లిలోని హోటల్ విజయా రెసిడెన్సీ లో ఆదివారం ఉదయం 9 గంటలనుండి రాత్రి 7 గంటలవరకు శ్రీ బి.వి.బంగార్రాజు గారి శతక పద్యాల పటన పోటీ లు నిర్వహించబడ్డాయి. ఈ పోటీలకు విద్యార్థినీ విద్యార్థుల నుంచి అనూహ్య స్పందన లభించింది.అనకాపల్లిలోని వివిధ విద్యా సంస్థ లే గాక చుట్టు పక్కల మండల కేంద్రాల పరిధిలోని గవర్నమెంట్ స్కూల్స్ విద్యార్థినీ విద్యార్థులు కూడా ఈ పోటీలలో ఉత్సాహంగా పాల్గొన్నారు.50 విద్యా సంస్థ లనుంచి, సుమారు 500 మంది బాలబాలికలు ఈ పోటీలలో పాల్గొన్నారు.
జూనియర్స్ (ఐదు,ఆరు,ఏడు తరగతులు) విభాగంలో 7 వ తరగతి చదువుతున్న కోరుకొండ అన్నపూర్ణ( మామిడిపాలెం జెడ్.పి.స్కూల్ ), మైలపల్లి హిమాంజలి (డి.ఎ.వి.పబ్లిక్ స్కూల్ , అనకాపల్లి ),కోనా కోమలి రామలక్ష్మి (చాణుక్య ఇ-టెక్నో,అనకాపల్లి )వారు ప్రథమ,ద్వితీయ,తృతీయ బహుమతులు గెలుచుకున్నారు. ప్రథమ బహుమతిగా 1 ,500 రూపాయలు , ద్వితీయ బహుమతిగా 1 ,000 రూపాయలు, తృతీయ బహుమతిగా 750 రూపాయలు నగదు,బంగార్రాజు గారు రచించిన శతకాలను అందజేశారు. ఈ బహుమతి కార్యక్రమంలో కవి "విశాఖరత్న" బి.వి.బంగార్రాజు, వారి కుమార్తె , అల్లుడు డాక్టర్ పద్మజ, డాక్టర్ ఐ.కె. రాజు, రామా బాలానందం సంఘం అధ్యక్షులు శ్రీ బి.ఎస్.గుప్తా, కళావేదిక అధ్యక్షులు నండూరి రామకృష్ణ మొదలగువారు పాల్గొన్నారు. శ్రీయుతులు వేపా పార్వతీశం,భమిడిపాటి ప్రసాదరావు, కొప్పిశెట్టి సూర్యనారాయణ లు ఈ పోటీకి న్యాయ నిర్ణేతలుగా వ్యవహరించారు.ఈ సందర్భంగా నిర్వహించిన సభకు డా.తలతోటి పృథ్వి రాజ్ అధ్యక్షత వహించారు. ఇండియన్ హైకూ క్లబ్ ప్రధాన కార్య దర్శి జి.రంగబాబు, ఉపాధ్యక్షులు గట్టి బ్రహ్మాజీలు పోటీ కార్యక్రమాన్ని నిర్వహించారు.
జూనియర్స్ (ఐదు ,ఆరు, ఏడు తరగతులు) విభాగంలో కోరుకొండ అన్నపూర్ణ ( మామిడిపాలెం జెడ్.పి.స్కూల్ ), ప్రధమ బహుమతిని గెలుచుకున్నది. ఈ బహుమతి క్రింద రూ. 1 ,500/-నగదును, కవి రచించిన మౌనీ శతకం, చైతన్య శతకం లు బహుమతిగా అందుకున్నది.
జూనియర్స్ (ఐదు ,ఆరు ఏడు తరగతులు) విభాగంలో మైలపల్లి హిమాంజలి (డి.ఎ.వి.పబ్లిక్ స్కూల్ , అనకాపల్లి ) ద్వితీయ బహుమతిని గెలుచుకున్నది. ఈ బహుమతి క్రింద 1 ,000/-నగదును, కవి రచించిన మౌనీ శతకం, చైతన్య శతకం లు బహుమతిగా అందుకున్నది.
జూనియర్స్ (ఐదు ,ఆరు ఏడు తరగతులు) విభాగంలో కోనా కోమలి రామలక్ష్మి (చాణుక్య ఇ-టెక్నో,అనకాపల్లి ) తృతీయ బహుమతిని గెలుచుకున్నది. ఈ బహుమతి క్రింద రూ. 750/-నగదును, కవి రచించిన మౌనీ శతకం, చైతన్య శతకం లు బహుమతిగా అందుకున్నది
No comments:
Post a Comment